正如喺前兩段影片提到，港元債券有唔少優勝之處，包括波幅較低、交易風險低、收益回報穩定。投資者想受惠於以上優勢前必須先要建立自己嘅港元債券組合，可惜零售投資者卻要為此付出大量時間同精神。所以另一個比較簡單嘅方法，就係透過互惠基金投資港元債券市場。喺多種涉足港元債市嘅互惠基金類別中，最簡單直接嘅投資途徑係交易所買賣基金（ETF）。ETF係一種在股票交易所上市買賣嘅基金，交易方式同一般股票相同。指數基金則追蹤相關股市指數表現。當投資於一隻指數基金時，佢嘅好處接近直接投資於該指數嘅各個成分股，慳返唔少時間嚟持續觀察指數權重嘅調整。因此，指數ETF係一種有效嘅投資工具，幫你喺組合中加入港元債券。港元債券指數ETF嘅例子有ABF香港創富債券指數基金（上市編號：2819）。呢隻基金係香港第一隻交易所買賣嘅債券基金，發行目標包括協助推動本地債券市場進一步發展。ABF香港創富債券指數基金喺香港聯交所上市，追蹤Mark kit i Box ABF Hong Kong Index表現（呢個喺港元債市中廣受認可並且採納為代表指數）。作為港元債券嘅投資專家，滙豐環球投資管理就可以就呢個簡單易用嘅投資工具提供專業意見。假如閣下打算涉足港元債券市場，並有意購買ABF香港創富債券指數基金，只需要好似投資單一股票一樣，透過銀行或證券商進行交易。呢隻基金喺買入時會徵收交易費及年度管理費，但收費水平低於大部分主動型管理基金。我地建議閣下喺作出投資決定前細閱基金文件，以了解投資組合詳情。 投資涉及風險。請參閱銷售文件以了解包括風險因素等詳情。本影片並未經證券及期貨事務監察委員會審閱。
配音制作/配音/配音棚租用/音樂制作/伴奏制作/?全國聯系電話：13568829740?

免責聲明： 以上整理自互聯網，與本站無關。其原創性以及文中陳述文字和內容未經本站證實，對本文以及其中全部或者部分內容、文字的真實性、完整性、及時性本站不作任何保證或承諾，請讀者僅作參考，并請自行核實相關內容。（我們重在分享，尊重原創，如有侵權請聯系在線客服在24小時內刪除）

聯系客服 立即下單